Një çështje interpretative shqyrton kompetencat e Prokurorit të Përgjithshëm

Gjykata Supreme e Kasacionit ka nisur një çështje interpretative në kërkim të një përgjigjeje për pyetjen nëse Prokurori i Përgjithshëm në detyrë Borisllav Sarafov ka autoritetin për të kërkuar rihapjen e çështjeve penale pas 21 korrikut 2025.

Kjo është data në të cilën skadoi afati gjashtëmujor i parashkrimit, i parashikuar në Ligjin për Pushtetin Gjyqësor, për ushtrimin e detyrës “ushtrues i përkohshëm i funksioneve” të Prokurorit të Përgjithshëm.

Çështja interpretative është për shkak të ekzistencës së jurisprudencës kontradiktore mbi kërkesat e paraqitura nga Sarafov për rihapjen e çështjeve, sqaron njoftimi për shtyp i gjykatës. Kjo vjen një ditë pasi Gjykata Kushtetuese vendosi se caktimi i afatit gjashtëmujor të parashkrimit nuk është jokushtetues.

Sarafov është Prokuror i Përgjithshëm në detyrë që nga 16 qershori 2023, pasi Ivan Geshev u shkarkua nga detyra para kohe.

 

Lexoni më shumë në arkivin e Radio Bullgarisë:

• Ministri i Drejtësisë kërkon shkarkimin disiplinor të Prokurorit të Përgjithshëm
• Protestë e radhës kundër Prokurorit të Përgjithshëm

 

 

Redaktoi: Miglena Ivanova

Përgatiti në shqip: Vesella Mançeva