Karlos Nasar me titullin e katërt europian në peshëngritje

Karlos Nasar u bë për herë të katërt kampion i Evropës në peshëngritje, njofton BTA. Bullgari fitoi titullin në kategorinë deri në 94 kilogramë në kampionatin e kontinentit në Batumi, Gjeorgji, duke përfunduar me dygarësh prej 386 kilogramësh.

Nasar ishte lider që pas shkëputjes me 176 kilogramë, ndërsa në shtytje arriti 210 kilogramë. Rezultatet e tij ishin më të mirat edhe në të dyja lëvizjet.

Para arritjes së sotme, 21‑vjeçari Karlos kishte tashmë tre tituj evropianë – në vitin 2025 në Kishinau, 2024 në Sofje, 2023 në Jerevan, si dhe dy medalje argjendi – në vitin 2022 në Tiranë dhe 2021 në Moskë.

Përveç kësaj, ai është kampion olimpik nga Parisi 2024 dhe tre herë kampion bote – Førde 2025, Manama 2024 dhe Tashkent 2021.

• Karlos Nasar është "Peshëngritësi i Vitit" i Evropës për të dytin vit radhazi
• Peshëngritësi Karlos Nasar sërish është sportisti më i mirë i Bullgarisë
• Karlos Nasar është përsëri në majë të botës, duke fituar Titullin Botëror në Norvegji

Redaktoi: Miglena Ivanova

Përgatiti në shqip: Vesella Mançeva