Kryeministri bëri thirrje për një zgjidhje diplomatike të luftës në Ukrainë

“Është koha e fundit për diplomaci!” Këtë е deklaroi Kryeministri Rumen Radev në lidhje me luftën në Ukrainë gjatë një konference për shtyp në Berlin, ku u prit nga Kancelari gjerman Friedrich Merz. Sipas tij, negociatat nga ana evropiane duhet të fillojnë sa më shpejt të jetë e mundur, sepse lufta e konsumimit i lodh të gjithë pjesëmarrësit, por edhe të gjitha “vendet mbështetëse”. 

Kancelari gjerman u përgjigj me fjalët: “Moska duhet të kuptojë se është e nevojshme të negociojë. Evropa është gati të ulet në tryezën e bisedimeve me Ukrainën, Rusinë dhe SHBA-të. Jam mirënjohës, i dashur Rumen Radev, që Bullgaria dëshiron të bashkohet me ne në frymën e solidaritetit evropian. Fakti që Evropa ka rizbuluar ndjenjën e unitetit dhe vendosmërisë me ardhjen e qeverisë së re hungareze, na afron edhe një hap më shumë drejt paqes.”

Kryeministri Radev e vuri si çështje kyçe për Bullgarinë të ardhmen e Kornizës Shumëvjeçare Financiare të BE-së dhe nevojën për arritjen e një ekuilibri të qëndrueshëm midis politikave të sigurisë, konkurrueshmërisë dhe kohezionit.

Kryeministri bullgar informoi se me kancelarin Merz kanë diskutuar për tërheqjen dhe mbrojtjen e investimeve të huaja.

 

• Sofja dhe Berlini kërkojnë horizonte të reja për investime të përbashkëta
• Rumen Radev: Të gjithë do të paguajmë borxhet e qeverisë së mëparshme

 

Redaktoi: Ivo Ivanov

Përgatiti në shqip: Vesella Mançeva