“Grua e zjarrtë” është emri i këngës së re verore të ROBI-t

Këngëtari tashmë i afirmuar si një nga emrat më interesantë të skenës së re muzikore vendase, ROBI, prezanton këngën e tij më të re “Grua e zjarrtë”.

Kënga vazhdon serinë e suksesshme të projekteve të tij, mes të cilave “Derdh” me Tino, “Nënë” me MONA dhe “Herët në agim”, singli pilot i albumit të ardhshëm “Gjurmë”.

Pikërisht gjatë një kampi krijues të organizuar për punën mbi albumin, ROBI krijoi këngën “Grua e zjarrtë”. Ideja fillestare ishte të krijohej një këngë me këtë titull si surprizë për bashkëshorten e tij Plami, e cila e mbështet në çdo hap të karrierës. Kënga është një dedikim personal, gjë që reflektohet si në tekstin emocional dhe shumë personal, ashtu edhe në atmosferën verore që karakterizon gjithë kompozimin.

Në këngë merr pjesë edhe kitaristi flamenco Ivajllo Ninçev — mik i ngushtë i ROBI-t dhe pjesë e ekipit të tij krijues. Pikërisht kitara dhe energjia latine i japin këngës “Grua e zjarrtë” një tingull të veçantë në albumin e ardhshëm të këngëtarit

Më shumë për këngëtarin mund të gjeni në publikimet e mëposhtme:

• "Nëse telefonon" – një duet i dy interpretuesve të rinj
• Robi prezanton këngën e parë nga albumi i tij i ri që do të dalë së shpejti
• Grafa dhe Robi prezantojnë një video me kauzë, bazuar në një histori të vërtetë

Redaktoi: Diljana Traçeva

Përgatiti në shqip: Svetllana Dimitrova