Kryeministri theksoi kategorikisht se Sofja ndalon ndihmën ushtarake për Kievin

Qeveria ndërpret ofrimin e armatimit nga ushtria bullgare për Ukrainën. Këtë e deklaroi Kryeministri Rumen Radev në fillim të mbledhjes së qeverisë.

“Ne tashmë kemi dhënë mjaftueshëm, vendi ynë vazhdon të pësojë dëme socio‑ekonomike nga kjo luftë e përgjakshme. Jemi të bindur se arritja e një zgjidhjeje paqësore nuk do të bëhet me mjete ushtarake, prandaj sërish bëjmë thirrje për një qasje gjithëpërfshirëse dhe realiste dhe për kërkimin e një zgjidhjeje diplomatike”, tha Radev, i cituar nga BTA.

Sipas tij, e ardhmja evropiane e Bullgarisë nuk qëndron në “hedhjen” e më shumë mjeteve në këtë luftë.

Që kur jam ministër, tek unë nuk ka ardhur asnjë kërkesë nga pala ukrainase me kërkesa konkrete, komentoi për bTV Ministri i Mbrojtjes Dimitër Stojanov.

Sipas tij, është e vështirë që BE të jetë ndërmjetës në arritjen e një paqeje të drejtë në Ukrainë.

Nëse industria bullgare do t’i shesë armë Ukrainës, kjo është çështje e vetë industrisë bullgare dhe jo e Ministrisë së Mbrojtjes, shtoi Stojanov.

• Opozita kritikon heqjen dorë nga ndihma ushtarake për Ukrainën
• Bullgaria nuk do të dërgojë më armë për Ukrainën

Redaktoi: Ivo Ivanov

Përgatiti në shqip: Vesella Mançeva