Ekspozita “Bullgarët e Gollobordës” u hap në Tiranë

Në Ambasadën e Bullgarisë në Tiranë u hap ekspozita “Bullgarët e Gollobordës”, e kushtuar historisë, kulturës dhe jetës së përditshme të komunitetit bullgar në rajonin e Gollobordës, Shqipëri. Këtë e njoftoi në faqen e saj në Facebook misioni diplomatik bullgar në Shqipëri.

Ekspozita u hap nga Aleksej Zhallov – iniciator dhe drejtues i ekspeditave kërkimore në zonë, i cili viziton Shqipërinë me ftesë të Ambasadës Bullgare. Gjatë vizitës së tij ai vizitoi sërish Gollobordën, ku u takua me miq të vjetër, krijoi kontakte të reja dhe konfirmoi synimin e tij për të vazhduar veprimtarinë në mbështetje të komunitetit vendas, theksoi misioni diplomatik bullgar.

Nga Ambasada shtuan se ekspozita paraqet natyrën, traditat, jetën dhe mënyrën e jetesës së njerëzve të Gollobordës, të cilët kanë ruajtur identitetin e tyre bullgar ndër breza.

“Ekspozita është një rrëfim vizual për periudhën në të cilën janë kryer kërkimet në terren – midis viteve 2006 dhe 2012. Ajo është rezultat i punës së përbashkët të speleologëve, etnologëve, antropologëve dhe folkloristëve bullgarë, e realizuar nën drejtimin e Aleksej Zhallovit dhe me pjesëmarrjen e specialistëve nga Instituti i Etnologjisë dhe Folklorit me Muze Etnografik pranë Akademisë Bullgare të Shkencave dhe Shoqatës ‘Ongal’. Kërkimet janë realizuar me mbështetjen e Fondit Kombëtar Dhurues “13 Shekuj Bullgari”, Agjencisë Shtetërore për Bullgarët Jashtë Vendit, si dhe me ndihmën e çmuar të shoqatës “Prosperitet Golloborda” dhe kryetarit të saj, Haxhi Pirushi”, thekson përfaqësia diplomatike. 

Ambasada e Bullgarisë e përkufizoi ekspozitën jo vetëm si “një vështrim drejt së kaluarës”, por edhe si “shprehje respekti ndaj komunitetit bullgar në Shqipëri, i cili vazhdon të ruajë traditat, gjuhën dhe kujtesën e tij kulturore”.

Mësoni më shumë për minoritetin bullgarë në Shqipëri nga arkivi i Radio Bullgarisë:

• Antoni Kurti dhe traditat e ruajtura të bullgarëve në Ostren të Madh
  
• Libër për origjinën e harruar bullgare të bashkatdhetarëve tanë nga Shqipëria dhe Kosova
  
• E folura e bullgarëve në Shqipëri ruan pasurinë e të folurës popullore bullgare
• Tirana njoftoi të dhëna zyrtare të përditësuara për bullgarët në Shqipëri

• Një shoqatë e re, një shpresë e re për njerëzit e rajonit të Gollobordës
• Që paqja dhe mirëkuptimi të lulëzojë në Ballkan, farat duhet të mbillen së pari mes fëmijëve
• Rezultatet e regjistrimit zyrtar janë një sukses i madh për komunitetin bullgar në Shqipëri
• Ndihma bullgare për zhvillimin e turizmit në bashkinë shqiptare të Bulqizës
• Te nashencit në Gorën e Kukësit (VIDEO)
• Një ekip i “Radio Bullgarisë” për vizitë te bullgarët në Shqipëri
• Gazetare e Radio Bullgarisë në dokumentar për bullgarët në Shqipëri

Redaktoi: Ivo Ivanov

Përgatiti në shqip: Vesella Mançeva