PP dhe GERB-SDS kundërshtuan buxhetin e shtetit në Gjykatën Kushtetuese

Deputetët e partisë “Po e Vazhdojmë Ndryshimin” (PP), të kryesuar nga lideri Asen Vasilev dhe nënkryetari i Kuvendit Stoju Stoev, paraqitën një ankesë në Gjykatën Kushtetuese kundër buxhetit të shtetit të miratuar në mes të vitit, si dhe kundër buxhetit të Sigurimeve Shoqërore Shtetërore. Buxheti për vitin 2026 është botuar në Fletoren Zyrtare dhe hyn në fuqi më 1 gusht.

Stoev sqaroi se janë mbledhur më shumë se 50 firma deputetësh dhe se mbështetje kanë marrë vetëm nga GERB-SDS.

Nga ana e tyre, edhe koalicioni GERB-SDS, me mbështetjen e deputetëve të PP-së, ka paraqitur ankesën e vet në Gjykatën Kushtetuese kundër buxhetit, njoftoi deputeti Vlladisllav Goranov. Ai shpjegoi se, nëse ligji për buxhetin e shtetit shfuqizohet nga Gjykata Kushtetuese, do të vazhdojë të zbatohet ligji i mëparshëm i zgjatjes së buxhetit, transmeton BTA.

Lexoni më shumë në arkivin e Radio Bullgarisë:

• Lideri i PP për Buxhetin 2026: Qeveria e Radevit është e dëmshme për Bullgarinë
• Ligji për Buxhetin e Shtetit për vitin 2026 do të shpallet në Fletoren Zyrtare

 

Redaktoi: Ivo Ivanov

Përgatiti në shqip: Vesella Mançeva