Bullgari Nikollaj Gençev në finalen e Kampionatit Botëror të Paellas

Bullgari Nikollaj Gençev është mes finalistëve të World Paella Day Cup 2026. Ai do të jetë një nga përfaqësuesit e dymbëdhjetë shteteve që më 20 shtator do të përballen me njëri-tjetrin në La Marina de València, në garën për titullin “Paella më e mirë në botë”. 

Nikollaj Gençev është përfaqësuesi i tretë bullgar në Kampionatin Botëror të Paellas, pas Nikollaj Todorovit dhe Kallojan Kolevit, të cilët përfaqësuan me dinjitet vendin në dy edicionet e fundit të garës botërore.

World Paella Day është një iniciativë e fondacionit Visit València, që synon të promovojë paellan si një nga gatimet më universale në gastronominë botërore, duke vënë në pah njëkohësisht origjinën e saj autentike dhe lidhjen e pandashme me qytetin e Valencias.

Lexoni më shumë në arkivin e Radio Bullgarisë: 

• Nikollaj Todorov prezantoi Black Sea Paella në një konkurs botëror në Valencia  
  
• Nik Todorov nga Varna është në finalen e Kupës së Botës për përgatitjen e paella
  

Redaktoi: Miglena Ivanova

Përgatiti në shqip: Vesella Mançeva