Transporti po e shtyn inflacionin në rritje

Inflacioni në Bullgari është përshpejtuar sërish në muajin gusht, pas tre muajsh rënie, ndërsa presioni kryesor vjen nga kostot e transportit, deklaroi zëvendëskryeministri Atanas Pekanov për televizionin NOVA TV.

Në sektorin e ushqimeve është regjistruar një ulje e çmimeve, por sipas tij kontrolli nga institucionet rregullatore duhet të forcohet.

Pekanov kritikoi edhe sektorin e turizmit, ku çmimet kanë shënuar ndër rritjet më të mëdha gjatë muajve korrik dhe gusht. Ai theksoi se vendimet për rritjen e çmimeve merren nga vetë tregtarët bullgarë, përkatësisht hotelierët dhe pronarët e restoranteve.

“Për mua nuk është normale të ulem në një restorant në Vjenë dhe në Sofje dhe çmimet të jenë relativisht të njëjta, ndërkohë që standardi i jetesës është krejtësisht i ndryshëm”, tha ai.

Sipas Pekanovit, rritja e pajustifikuar e çmimeve mund të ulë konkurrueshmërinë e Bullgarisë si destinacion turistik.

 

Lexoni më tepër në arkivin tonë:

• Nuk ka arsye për gëzim të madh sa i përket sezonit turistik veror
• Eurostat: Bullgaria mbetet ndër vendet me inflacionin më të lartë në eurozonë

 

Redaktoi: Miglena Ivanova

Përgatiti në shqip: Vesella Mançeva