Për shkak të çmimeve të larta të karburanteve persona do të marrin nga 50 euro

Mbi 550 mijë persona me të ardhura të ulëta do të marrin një ndihmë të njëhershme prej 50 eurosh për të kompensuar shpenzimet e konsumit të shkaktuara nga rritja e çmimeve të karburanteve. Masa e re e qeverisë synon të mbështesë njerëzit dhe familjet më të prekura, njoftoi shërbimi për shtyp i qeverisë. Kompensimin e njëhershëm do ta përfitojnë personat dhe familjet me të ardhura nën kufirin e varfërisë, të cilët marrin ndihma sociale; fëmijët dhe të rinjtë deri në 21 vjeç që janë pa përkujdesje prindërore dhe largohen nga shërbimet sociale rezidenciale; si dhe familjet me fëmijë me aftësi të kufizuara të përhershme.

Lexoni më shumë mbi temën në arkivin e Radio Bullgarisë:

• Bullgaria me rritjen më të madhe vjetore të çmimeve të karburanteve në BE
• Komisioni për Mbrojtjen e Konsumatorit po kontrollon pikat e karburantit

Redaktoi: Miglena Ivanova

Përgatiti në shqip: Svetllana Dimitrova