LAJME

Lajm

Ministrja e mjedisit urdhëroi kontroll pas incidentit me anijet në Detin e Zi

Martë, 6 Tetor 2026, 16:55

Ministrja e mjedisit urdhëroi kontroll pas incidentit me anijet në Detin e Zi

FOTO: МОСВ - архив

Madhësia e shkronjave

Me urdhër të ministres së mjedisit dhe ujërave, Rosica Karamfillova, Drejtoria e Basenit të Detit të Zi në Varna nisi një kontroll të jashtëzakonshëm në zonën e bregdetit bullgar të Detit të Zi, pas incidentit me dy anije. Këtë mëngjes, dronë sulmuan dy anije tregtare të huaja pranë brigjeve bullgare. Njëra prej anijeve u mbyt, ndërsa në bordin e anijes së dytë shpërtheu një zjarr. Dy marinarë të plagosur u dërguan në spital.

Gjatë ditës së sotme do të merren mostra nga ujërat e detit në zonat pranë Kepit Kaliakra, Bjallës dhe Sozopolit. Mostrat do të analizohen për praninë e produkteve të naftës, bifenileve të poliklorinuara (PCB), metaleve dhe treguesve fiziko-kimikë të cilësisë së ujit. Analizat do të kryhen nga ekipet e laboratorëve rajonalë të Agjencisë Ekzekutive të Mjedisit në Varna dhe Burgas. Qëllimi i kontrollit është të përcaktohet gjendja aktuale e ujërave detare në këto zona dhe të verifikohet nëse incidenti ka shkaktuar ndonjë ndotje të detit.


Redaktoi Diana Cankova

Përgatiti në shqip: Svetllana Dimitova