Lajm
Bullgaria do ta ngrejë në OKB çështjen e sigurisë në Detin e Zi
Mërkurë 14 Tetor 2026 08:52
Mërkurë, 14 Tetor 2026, 08:52
FOTO: BTA - arkiv
Madhësia e shkronjave
Bullgaria do t’i drejtohet
Këshillit të Sigurimit të OKB-së për shkak të sulmeve të shpeshtuara ndaj
anijeve tregtare në Detin e Zi. Këtë e deklaroi presidentja Ilijana Jotova për
televizionin “Nova”, pas sulmeve kundër dy anijeve tregtare pranë bregdetit
bullgar më 13 tetor.
Vendi po punon gjithashtu
për përfshirjen e një pike të jashtëzakonshme për sigurinë e lundrimit në
rendin e ditës të Këshillit të ardhshëm Evropian. Nuk përjashtohet as
aktivizimi i nenit 4 të Traktatit të Atlantikut të Veriut, por një hap i tillë
duhet të vlerësohet me kujdes dhe do të kishte më shumë peshë nëse ndërmerret
së bashku nga disa shtete, shtoi kreu i shtetit.
Për BNT-në, presidentja tha
se është hartuar një tekst i përbashkët me homologët e saj nga Rumania dhe
Turqia. Më 14 tetor, Jotova do të zhvillojë gjithashtu një bisedë shtesë me Presidentin
e Rumanisë, Nicușor Dan. Qëllimi është të vendoset një
moratorium mbi përdorimin e dronëve në Detin e Zi kundër infrastrukturës
tregtare dhe civile dhe të ndërpriten veprimet luftarake mbi det, shpjegoi
Jotova, e cituar nga BTA.
Presidentja kujtoi gjithashtu se është zhvilluar një bisedë mes ministrave të mbrojtjes të Bullgarisë, Rumanisë dhe Turqisë për veprime të përbashkëta.
Brenda 10 ditëve
të ardhshme pritet të mbahet një takim për sigurinë në Detin e Zi, ku do të
përcaktohen masa konkrete.
Redaktoi: Ivo Ivanov
Përgatiti në shqip: Vesella Mançeva
Publikoi / Publikuan: Vesella Mançeva