Lajm
Prof. Bettany Hughes do të realizojë një film për carin bullgar Samuill
Martë 20 Tetor 2026 10:44
Martë, 20 Tetor 2026, 10:44
FOTO: Këshilli i Ministrave
Madhësia e shkronjave
Kryeministri Rumen Radev dhe shkrimtarja e historiane britanike, prof. Bettany Hughes, diskutuan për promovimin e trashëgimisë historike bullgare përmes filmave të rinj dokumentarë, njoftoi shërbimi për shtyp i qeverisë. Në takim, që u zhvillua në ndërtesën e Këshillit të Ministrave, mori pjesë edhe ministri i turizmit, Iljin Dimitrov.
Bullgaria ka ende shumë vende dhe figura historike interesante që meritojnë të njihen në mbarë botën, në mënyrë që publiku ndërkombëtar të mësojë më shumë për rolin e rëndësishëm të vendit në zhvillimin e qytetërimit evropian, theksoi Radev, njofton Agjencia Telegrafike Bullgare (BTA).
Prof. Bettany Hughes realizoi filmat dokumentarë me karakter historik „Thesaret e Bullgarisë“, në dy pjesë, dhe „Bullgaria: Toka e trëndafilave“. Filmat u transmetuan në kanale televizive tematike, që ndiqen në mbarë botën. Gjatë vizitës në Sofje, Hughes prezantoi librin e saj „Shtatë mrekullitë e botës antike“, si dhe filmin „Bullgaria: Toka e trëndafilave“.
Ministri i turizmit, Iljin Dimitrov, bëri të ditur se historiania britanike do të realizojë gjithashtu një film kushtuar carit bullgar Samill.
Lexoni më shumë nga koleksioni i Radio Bulgarisë:
- Prof. Bettany Hughes: Bullgaria është një vend shumë i veçantë
- Sofja bëhet pjesë e një serie dokumentare ndërkombëtare me Bettany Hughes
Redaktoi: Ivo Ivanov
Përgatiti në shqip: Svetllana Dimitrova
Publikoi / Publikuan: Svetllana Dimitrova