PE është i shqetësuar nga reagimi i Sofjes ndaj kërcënimit rus

Mërkurë, 21 Tetor 2026, 18:12

Parlamenti Evropian

Parlamenti Evropian

FOTO: Radio Vidin

Madhësia e shkronjave

Parlamenti Evropian shpreh shqetësim serioz për reagimin e paqartë dhe të dykuptimtë të autoriteteve bullgare ndaj kërcënimit në përshkallëzim nga Rusia në Detin e Zi. Kjo thuhet në një projekt-rezolutë që pritet të votohet nesër, 22 tetor, gjatë sesionit plenar në Strasburg, njoftoi korrespondentja jonë në Bruksel, Angelina Piskova. 

Eurodeputetët kritikojnë hapur përgjigjen e dobët diplomatike të Sofjes ndaj Moskës dhe kërkojnë veprime urgjente nga kryeministri Rumen Radev, në përputhje me solidaritetin aleat. 

Ndër nismëtarët e projektit janë 7 nga gjithsej 17 eurodeputetë bullgarë. Këta janë të gjashtë përfaqësuesit bullgarë të Partisë Popullore Evropiane dhe Ilhan Kyçyku nga grupi i liberalëve. 

Eurodeputetët rikujtojnë se në zonën ekskluzive ekonomike të Bullgarisë janë kryer sulme me dronë ndaj anijeve tregtare, të cilat çuan në fundosjen e anijeve Alfa Watan dhe HS Dignity, si dhe në incidente të rënda me anijet Able dhe Chelsea 3, ekuipazhet e të cilave u evakuuan dhe morën trajtim mjekësor në Varna.


Lexoni më tepër në arkivin tonë:


Redaktoi: Miglena Ivanova

Përgatiti në shqip: Vesella Mançeva