Lajm
Këngë, valle bullgare dhe shumë atmosferë festive në Tiranë
Hënë 16 Nëntor 2026 13:18
Hënë, 16 Nëntor 2026, 13:18
FOTO: Facebook/ Embassy of Bulgaria in Tirana (Ambasada e Republikës së Bullgarisë në Tiranë)
Madhësia e shkronjave
Më 14 nëntor 2026, folklori bullgar dëshmoi edhe një herë se muzika dhe kultura janë ndër urat më të bukura të miqësisë mes Bullgarisë dhe Shqipërisë. Ansambli folklorik “Carevo”, nën drejtimin e Hristo Jordanov, i dhuroi komunitetit bullgar dhe miqve të Bullgarisë në Shqipëri një mbrëmje të paharrueshme, të mbushur me bukurinë dhe pasurinë e traditave bullgare. Koncerti, i organizuar nga Ambasada e Republikës së Bullgarisë në Tiranë me rastin e Ditës së Iluministëve të Popullit, u mbajt në Qendrën Kulturore të Katedrales Ortodokse në kryeqytetin shqiptar, njofton Ambasada Bullgare në Tiranë në faqen e saj në Facebook.
FOTO: Facebook/ Embassy of Bulgaria in Tirana (Ambasada e Republikës së Bullgarisë në Tiranë)
Me shumë talent, energji dhe emocion, këngëtarët, muzikantët dhe valltarët e ansamblit e çuan publikun në një udhëtim muzikor nëpër rajone të ndryshme folklorike të Bullgarisë. Kostumet e bukura popullore, këngët polifonike dhe vallet emocionale krijuan një atmosferë të vërtetë festive.
FOTO: Facebook/ Embassy of Bulgaria in Tirana (Ambasada e Republikës së Bullgarisë në Tiranë)
Para koncertit, Ambasada e Bullgarisë priti përfaqësuesit e ansamblit. Takimi u zhvillua në një atmosferë jashtëzakonisht të përzemërt. Të ftuarit befasuan mikpritësit me një bukë festive tradicionale dhe një shportë dhuratash me mbishkrimin “Nga Carevo me dashuri”.
FOTO: Facebook/ Embassy of Bulgaria in Tirana (Ambasada e Republikës së Bullgarisë në Tiranë)
Ambasada e
Bullgarisë shpreh mirënjohje të veçantë për drejtorin artistik të Ansamblit
“Carevo” dhe kryetarin e Shtëpisë Kulturore “Georgi Kondollov –
1914”, Hristo Jordanov, për sekretaren e institucionit, Daniella Vërbanova, si
dhe për të gjithë interpretuesit për koncertin e mrekullueshëm dhe përkushtimin
me të cilin ruajnë traditat bullgare. Ajo falënderon gjithashtu shoqatën
“Bullgarët e Shqipërisë”, mikpritësit e Katedrales Ortodokse për bujarinë dhe
mikpritjen e tyre, si edhe të gjithë të pranishmit në aktivitet.
FOTO: Facebook/ Embassy of Bulgaria in Tirana (Ambasada e Republikës së Bullgarisë në Tiranë)
Mund të mësoni më shumë për bullgarët në Shqipëri nga arkivi ynë:
- Rezultatet e regjistrimit zyrtar janë një sukses i madh për komunitetin bullgar në Shqipëri
- Në Shqipëri ka mbi 7 mijë bullgarë
- Tirana njoftoi të dhëna zyrtare të përditësuara për bullgarët në Shqipëri
- Për të ruajtur identitetin e tyre, bullgarët në Shqipëri kanë nevojë edhe për mbështetje shtetërore
- Milena Selimi: Bullgarët në Shqipëri kanë nevojë për mësues dhe për vëmendje
- Bullgarët në Gorë ruajnë gjuhën dhe kulturën e tyre, por kanë nevojë për mbështetje - Pjesa I
- Bullgarët në Gorë ruajnë gjuhën dhe kulturën e tyre, por kanë nevojë për mbështetje - Pjesa II
- Për Gollobordën dhe njerëzit e saj
- Dhimitër Pandovski nga Korça: "Ne jemi bullgarë dhe asgjë tjetër!"
- Te nashencit në Gorën e Kukësit (VIDEO)
Redaktoi në shqip: Vesella Mançeva