Bullgaria ka vetëm zë këshillimor në Këshillin e Paqes deri në ratifikim

Deri në ratifikimin e aderimit të Bullgarisë në Këshillin e Paqes, krijuar nga presidenti amerikan Donald Trump, vendi ynë mund të ketë vetëm “zë këshillimor”. Kjo u bë e qartë sot, 10 shkurt, pasi qeveria në dorëheqje publikoi vendimin për aderim, të nënshkruar nga kryeministri në dorëheqje Rosen Zheljazkov, i cili së bashku me kryeministrin hungarez Viktor Orbán ishte i vetmi përfaqësues i një shteti të Bashkimit Evropian që iu bashkua nismës së Trumpit.

Brukseli shprehu “dyshime serioze” vetëm disa orë pas shpalljes së saj.

Sipas Kushtetutës së Bullgarisë dhe duke pasur parasysh karakterin e vendimit, ai i nënshtrohet ratifikimit nga Kuvendi Popullor dhe nuk prodhon efekt juridik deri në votimin e tij. Qeveria në dorëheqje njoftoi se e lë ratifikimin për Kuvendin e ardhshëm.

Lexoni më tepër në arkivin e Radio Bullgarisë:

• “DPS – Fillim i Ri” kërkon miratim të anëtarësimit në Këshillin e Paqes
• Parlamenti i ri do ta ratifikojë marrëveshjen me SHBA për Këshillin e Paqes
• Opozita kërkon vendim gjykate për anëtarësimin e Bullgarisë në Këshillin e Paqes

 

 

Redaktoi: Miglena Ivanova

Përgatiti në shqip: Vesella Mançeva