Sipas vëzhguesve ndërkombëtarë zgjedhjet janë transparente dhe demokratike

Zgjedhjet e parakohshme parlamentare të Bullgarisë më 19 prill u shënuan nga një pjesëmarrje më e lartë e votuesve dhe u zhvilluan në mënyrë transparente dhe efikase pavarësisht boshllëqeve në kuadrin legjislativ dhe një ndryshimi të minutës së fundit në numrin e qendrave të votimit jashtë vendit, i cili dëmtoi stabilitetin e ligjit zgjedhor dhe natyrën gjithëpërfshirëse të procesit, thanë vëzhguesit ndërkombëtarë të zgjedhjeve nga Këshilli i Evropës në një deklaratë.

• Më pak seksione dhe më shumë pengesa për votën e bullgarëve jashtë vendit
• Daniel Xhenev nga Çikagoja: Nuk ka logjikë në kufizimet e reja zgjedhore

"Në sfondin e zgjedhjeve në vazhdim dhe paqëndrueshmërisë së zgjatur politike, autoritetet morën masa për të siguruar integritetin e votës, duke përfshirë përpjekjet për të adresuar akuzat e vazhdueshme për blerje votash dhe frikësim.

“Liritë themelore në përgjithësi u respektuan, por fushata zgjedhore ishte shumë e polarizuar dhe e karakterizuar nga retorikë negative”, vlerësuan vëzhguesit. “Fushata online, kryesisht e parregulluar, luajti një rol të rëndësishëm në angazhimin e votuesve, duke lehtësuar gjithashtu përhapjen e dezinformimit”, raportuan gjithashtu vëzhguesit.

“Korniza ligjore ofron një bazë përgjithësisht të përshtatshme për zgjedhje demokratike, megjithëse një numër rekomandimesh të mëparshme mbeten të pazbatuara, duke përfshirë ato që lidhen me kërkesën për vendbanim për kandidatët, hetimin dhe sanksionimin efektiv të shkeljeve zgjedhore, rrugët ligjore për sfidimin e rezultateve dhe masat për të rritur pjesëmarrjen e grave dhe grupeve minoritare”, thuhet në vlerësimet e përfaqësuesve të Organizatës për Siguri dhe Bashkëpunim në Evropë dhe Asamblesë Parlamentare të Këshillit të Evropës.

Thuhet se “peizazhi mediatik është pluralist, por shprehen shqetësime në lidhje me ndikimin politik dhe ekonomik, autocensurën e përhapur dhe mbulimin e kufizuar analitik, gjë që kufizon aksesin e votuesve në informacion të paanshëm dhe gjithëpërfshirës”, raporton BTA.

Lexoni më tepër: 

• KQZ: Me 100.00% të protokolleve të përpunuara, 5 formacione hyjnë në parlament - Radio Bullgaria në gjuhën shqipe
• KQZ për votimin e bullgarëve jashtë vendit
• Një tablo e qartë politike pas votimit parlamentar në Bullgar
• Reagime politike nga bota për fitoren e Koalicionit “Bullgaria Progresive”
• Reagime politike pas rezultateve të zgjedhjeve parlamentare

 

Redaktoi: Ivo Ivanov

Përgatiti në shqip: Vesella Mançeva