Mbi 1800 persona përshkuan rrugën e Çetës së Botevit

Me pelegrinazhin tradicional mbarëpopullor në majën Okollçica u nderua 150‑vjetori nga rënia e revolucionarit dhe poetit Hristo Botev në malet e Vracës, raportoi korrespondentja jonë Iva Antonova. Shi i rrëmbyeshëm priti entuziastët që përfunduan të parët marshimin “Në gjurmët e Çetës së Botevit Kozlloduj – Okollçica”, por për ceremoninë e përkuljes para kujtimit të Botevit dhe të rënëve për lirinë dhe pavarësinë e Bullgarisë, dielli ndriçoi shpatet e pjerrëta të Vracës, aty ku para 150 vitesh u vra Botevi.

Beteja e fundit e çetës dhe rënia e Vojvodës u rikrijuan nga Shoqata Kombëtare “Edinenie” (“Bashkimi”), ndërsa mitropoliti i Vracës, Grigorij, shërbeu një lutje përkujtimore.

Kryetari i bashkisë së Vracës, Kalin Kamenov, përshëndeti pjesëmarrësit në marshim, të cilët për pesë ditë përshkuan rrugën e Çetës së Botevit. Këtë vit pjesëmarrësit ishin mbi 1800 persona. Pjesëmarrësja më e moshuar, sipas BGNES, ishte një grua 81‑vjeçare nga Veliko Tërnovo, ndërsa më e vogla – Ema trevjeçare nga Vraca.

Lexoni më shumë:

• 150 vjet nga rënia e Hristo Botev dhe nga heroizmi i çetës së tij
• Fletorja personale e Hristo Botevit dëshmon për vitin e fundit të jetës së tij
•  Historia e këngës “Danubi i qetë dhe i bardhë”
  
•  Hristo Botev, Kryengritja e Prillit dhe "Komitetet Sllave"
  

Redaktoi: Miglena Ivanova

Përgatiti në shqip: Vesella Mançeva