MPJ-ja bullgare proteston ndaj Shkupit pas djegies së makinave diplomatike

Bullgaria reagoi ashpër pas djegies së dy automjeteve diplomatike në Shkup. I ngarkuari me punë i Ambasadës së Republikës së Maqedonisë së Veriut në Sofje u thirr urgjentisht në Ministrinë e Punëve të Jashtme. Zëvendësministri i jashtëm, Hristo Polendakov, e cilësoi incidentin si një akt të paprecedentë dhe demonstrativ agresioni, që ka rrezikuar jetë njerëzish.

Më herët, edhe presidentja Iliana Iotova e dënoi sulmin, duke e quajtur atë një goditje të drejtpërdrejtë ndaj shtetit bullgar. Sofja vlerësoi arrestimin e shpejtë të të dyshuarit 44-vjeçar nga autoritetet maqedonase, por kërkoi një hetim të plotë dhe vendosjen e drejtësisë.

Ministria e Punëve të Jashtme e Bullgarisë theksoi se përpjekjet për të përhapur frikë mes bullgarëve në Maqedoninë e Veriut janë të papranueshme dhe se shteti do t'u kundërvihet me të gjitha mekanizmat që ka në dispozicion.

• Në Shkup u dogjën automjete diplomatike para Ambasadës së Bullgarisë

• Ambasada bullgare pyet pse policia e Shkupit mbeti pasive gjatë zjarrvënies

• Shoqatat bullgare në Maqedoninë e Veriut dënuan sulmin në Shkup

Redaktoi: Darina Grigorova

Përgatiti në shqip: Svetllana Dimitrova