MPB-ja pranoi qasjen formale ndaj agresionit te fëmijët, përgatit një ligj të ri

Ministria e Punëve të Brendshme e Bullgarisë (MPB) po përgatit një ligj krejtësisht të ri për kundërveprimin ndaj sjelljeve antisociale të fëmijëve dhe të miturve. Synimi është të propozohet një akt normativ bashkëkohor që të sigurojë parandalim efektiv në punën me fëmijët. 

Këtë e bëri të ditur Ministri i Punëve të Brendshme, Ivan Demerxhiev, gjatë prezantimit të masave që, sipas tij, institucionet kanë ndërmarrë kundër agresionit dhe radikalizimit te të rinjtë. Ai theksoi se veprimet e ndërmarra deri më tani kanë qenë kryesisht formale, pa arritur rezultate reale, njofton shërbimi për shtyp i MPB-së. 

Sa i përket kërkesave për kufizimin e qasjes së fëmijëve dhe të miturve në rrjetet sociale, Demerxhiev theksoi se një masë e tillë do të ishte e vështirë për t’u zbatuar. Prandaj, përpjekjet e MPB-së në këtë fazë janë të përqendruara te forcimi i kontrollit dhe masave parandaluese. 

Për vitin e ardhshëm shkollor parashikohet fushata “Dhuna është pafuqi”, e cila synon të përfshijë të paktën 100 000 nxënës në më shumë se 1000 shkolla në të gjithë vendin.

 

Lexoni më shumë në arkivin e Radio Bullgarisë: 

• DB pyet ministrin e brendshëm për radikalizimin e të miturve

 

Redaktoi: Miglena Ivanova

Përgatiti në shqip: Vesella Mançeva