Një portal turistik amerikan vlerëson Plovdivin si një destinacion antik

Plovdivi është ndër katër qytetet evropiane që magjepsin adhuruesit e historisë, por pa turmat e mëdha turistike të Romës dhe Athinës. Portali amerikan online Travel Off Path i konsideron këto qytete si padrejtësisht të nënvlerësuara, edhe pse ato plotësojnë interesin e vizitorëve të huaj për lashtësinë, monumentet historike, tempujt e vjetër, amfiteatrot antike dhe perandorët që ndërtuan qytetërime të tëra.

Qyteti i dytë më i madh në Bullgari është një muze i gjerë në ajër të hapur, shtëpi e rrënojave greko-romake, kishave bizantine, xhamive osmane dhe shtëpive nga Rilindja Kombëtare Bullgare, shkruan portali për Plovdivin. I ndërtuar si një Romë mbi kodra, qyteti është më i njohur për teatrin e tij antik në kodër, skena e të cilit përdoret ende sot për shfaqje dhe koncerte.

Një tjetër atraksion i rëndësishëm është Stadiumi Romak, i fshehur nën rrugën kryesore të qytetit. Ai u ndërtua në fillim të shekullit II pas Krishtit, gjatë sundimit të perandorit Hadrian.

Plovdivi është histori e pastër, autentike dhe dukshëm e lashtë: nga rrënojat romake të shpërndara në qendrën historike deri te ngjitja në Nebet Tepe, një kodër e njohur që ruan gjurmë të një vendbanimi të epokës së bakrit dhe fortifikime të ndërtuara e rindërtuara nga trakët, romakët, bizantinët dhe sundimtarët mesjetarë. Bëhet fjalë për mijëra e mijëra vjet histori, të gjitha të ndërthurura së bashku, thuhet në publikim.

Qytetet e tjera të përmendura janë Nîmes në Francë, Évora në Portugali dhe Mérida në Spanjë.

Mësoni më shumë për qytetin e Plovdivit nga arkivi i Radio Bullgarisë:

• Muzeu i parë i arit investues hap dyert në Plovdiv
  
• Në Plovdiv hapet Muzeu i hekurit të hekurosjes – i vetmi në Ballkan 
  
• Plovdiv me një atraksion të ri – një orë antike uji mat kohën në Sahat Tepe 
  
• Plovdiv – një qytet me shumë histori dhe njerëz të këndshëm

 

Redaktoi: Ivo Ivanov

Përgatiti në shqip: Vesella Mançeva