Liturgji solemne e patriarkëve Vartolomeu dhe Daniili në Manastirin e Rillës

Hënë, 19 Tetor 2026, 13:28

Liturgji solemne e patriarkëve Vartolomeu dhe Daniili në Manastirin e Rillës

FOTO: Kirill Falin

Madhësia e shkronjave

Me rastin e kremtimeve kushtuar Shën Joanit të Rillës, Patriarku Ekumenik Vartolomeu, i cili ndodhet për vizitë në Bullgari, dhe Patriarku bullgar Daniili kremtuan një liturgji të shenjtë solemne patriarkale në kishën kryesore të Manastirit të Rillës. Në ceremoni morën pjesë qindra besimtarë, të ardhur për të dëgjuar bekimin dhe lutjet e tyre si dhe për të ndezur qirinj. Para liturgjisë, dy patriarkët u pritën nga hierarkët kishtarë te Porta e Dupnicës, ku ishte vendosur mbishkrimi: "I bekuar qoftë ai që vjen në emër të Zotit". 

Sipas traditës, pas liturgjisë së shenjtë u zhvillua një procesion fetar me ikonën e Shën Joanit të Rillës rreth tempullit. Çdo vit, kjo festë mbledh në manastirin e shenjtë të Rillës pelegrinë nga Bullgaria dhe jashtë saj, të cilët vijnë për t’u përkulur para lipsaneve të shenjtorit dhe për të kërkuar ndërmjetësimin e tij. 

Me shërbesa solemne fetare në Manastirin e Rillës shënohet festa e manastirit dhe dita kur Kisha Ortodokse Bullgare nderon kujtimin e Shën Joanit të Rillës Mrekullibërës, mbrojtësit qiellor të popullit bullgar. Më 19 tetor Kisha përkujton transferimin e lipsaneve të shenjta të shenjtorit nga Rilla në Sredec (Sofja e sotme). 

Liturgji solemne e patriarkëve Vartolomeu dhe Daniili në Manastirin e Rillës

FOTO: Kirill Falin

Kremtimet e këtij viti kanë një karakter të veçantë jubileu, pasi shënohen 1150 vjet nga lindja dhe 1080 vjet nga fjetja në amshim e Shën Joanit të Rillës Mrekullibërës.


Lexoni më shumë në arkivin e Radio Bullgarisë:


Redaktoi: Diana Cankova

Përgatiti në shqip: Vesella Mançeva