Lajm
Dara do të jetë e ftuar speciale në Evrovizionin e Fëmijëve
Shtunë 24 Tetor 2026 05:12
Shtunë, 24 Tetor 2026, 05:12
FOTO: BTA
Madhësia e shkronjave
Fituesja e Evrovizionit, Dara, do të jetë e ftuar speciale në Evrovizionin e Fëmijëve. Ajo do të performojë së bashku me këngëtaren franceze Lou Deleuze, fituese e edicionit të vitit të kaluar të këtij konkursi, më 24 tetor në Maltë. “Dy fitueset e trofeut do të krijojnë një moment të jashtëzakonshëm për publikun, pasi do të ngjiten për herë të parë së bashku në skenën e Maltës. Ato do të festojnë fuqinë e muzikës për të bashkuar brezat dhe kombet”, njofton faqja zyrtare junior.eurovision.com.
Në edicionin e 70-të të Evrovizionit, që u mbajt më 16 maj, Bullgaria arriti fitoren e saj të parë falë Darës dhe këngës “Bangaranga”. Kënga bullgare triumfoi si në votimin e jurisë, ashtu edhe në atë të publikut. “Bangaranga” fitoi konkursin me 173 pikë më shumë se kënga e renditur në vendin e dytë. Kjo është diferenca më e madhe mes fitueses dhe vendit të dytë në historinë e Evrovizionit.
Lexoni më shumë:
- Fjala “Bangaranga” mori jetë në gjuhën bullgare
- Fitorja e Bullgarisë në Evrovizion në faqet e para të mediave botërore
Redakltoi; Diana Cankova
Përgatiti në shqip: Svetllana Dimitrova
Publikoi / Publikuan: Svetllana Dimitrova