Eurodeputetët bullgarë janë të bashkuar ndaj provokimeve të Maqedonisë së Veriut

Eurodeputetët bullgarë dënuan kategorikisht djegien e automjeteve të ambasadës bullgare në Shkup dhe e përcaktuan këtë si rezultat të gjuhës së urrejtjes kundër Bullgarisë, e cila vazhdon prej vitesh në Maqedoninë e Veriut. Kjo u bë gjatë një debati në Parlamentin Evropian në Strasburg, kushtuar progresit të vendeve të Ballkanit Perëndimor në rrugën e tyre drejt BE‑së. Në fjalimet e tyre, eurodeputetët bullgarë nga të gjitha grupet politike theksuan se “ndryshimet kushtetuese dhe marrëdhëniet e fqinjësisë së mirë nuk janë kushte të reja, por pjesë e kornizës së dakorduar” për fillimin e negociatave me BE‑në dhe se “mbrojtja e të drejtave të qytetarëve që vetëpërcaktohen si bullgarëështëçështje e vlerave evropiane dhe sundimit të ligjit”, duke theksuar se Shkupi duhet të respektojë angazhimet e marra, transmeton BTA.

Më 17 qershor Parlamenti Evropian do të votojë raportin për progresin e Maqedonisë së Veriut në rrugën drejt BE‑së. Raportuesi, austriaku nga Partia e Gjelbër Thomas Waitz, paraqiti një amendament të kërkuar nga Shkupi. Me të rishikohet Marrëveshja për Fqinjësi të Mirë midis Bullgarisë dhe Maqedonisë së Veriut dhe bllokohet puna e Komisionit për historinë e përbashkët mes dy vendeve.

• MPJ-ja bullgare proteston ndaj Shkupit pas djegies së makinave diplomatike
• Shoqatat bullgare në Maqedoninë e Veriut dënuan sulmin në Shkup
• Ambasada bullgare pyet pse policia e Shkupit mbeti pasive gjatë zjarrvënies
• Në Shkup u dogjën automjete diplomatike para Ambasadës së Bullgarisë

 

Redaktoi: Ivo Ivanov

Përgatiti në shqip: Vesella Mançeva