Mihaella Fileva sjell një mesazh optimist veror me këngën “Dielli lindi përsëri”

Gjithmonë pozitive dhe plot energji, Mihaella Fileva prezanton këngën e saj më të re, “Dielli lindi përsëri”, një këngë për shpresën dhe forcën për të vazhduar përpara. Tingulli modern ndërthur EDM me pop melodik dhe sjell atmosferë verore, lehtësi, gëzim dhe optimizëm.

“Dielli lindi përsëri” vjen si një vazhdim logjik i historisë së treguar në këngën e saj të mëparshme, “Stuhi në një gotë meujë”, e cila nxiti shumë reagime të sinqerta nga njerëz që gjetën veten në subjektin e saj.

Këngëtarja shprehet:

"Doja shumë t’i kujtoja kujtdo që ka nevojë për këtë, sepse periudha e verës është pikërisht koha kur mund të ngadalësosh ritmin, të zhytesh në mendimet e tua dhe t’i kujtosh vetes se gjithçka do të jetë mirë, se nuk është aq e frikshme. Dhe kjo tingëllon shumë e arsyeshme dhe e arritshme kur je buzë detit, i ulur me gishtat e futur në rërë dhe duke parë valët...” 

Shihni më shumë në arkivin tonë:

• Ylli i muzikës pop Mihaella Fileva feston ditëlindjen me një rol në balet klasik

• Mihaella Fileva sjell hitet e saj pop në version simfonik
• "Kush është ajo?" - një këngë për gëzimin e të jetuarit me lehtësi
• Heroi i Dopaminës" - Mihaella Fileva u dhuron fansave të saj një hit veror
• “Loti i fundit” i këngëtares Mihaella Fileva

Përgatiti në shqip: Vesella Mançeva