Ka interes të konsiderueshëm elektoral për zgjedhjet presidenciale të 25 tetorit

71% e bullgarëve kanë ndërmend të votojnë në zgjedhjet presidenciale. Këtë e tregojnë rezultatet e sondazhit sociologjik të agjencisë "Gallup International", të realizuar për emisionin "Referendum" të Televizionit Kombëtar Bullgar (BNT). Një në pesë të anketuar (22%) pranon se ende heziton. Vetëm 7% e të anketuarve janë kategorikë se nuk do të shkojnë në qendrat e votimit më 25 tetor.

56% e bullgarëve mendojnë se personaliteti i kandidatit për president është më i rëndësishëm sesa figurat publike që e mbështesin atë. Për 40% të të anketuarve ka rëndësi të madhe se kush qëndron pas kandidaturës së kreut të shtetit. Ndërsa 5% janë përgjigjur "nuk mund të vlerësoj". 

60% e të anketuarve deklarojnë se do të votonin për një kandidat të një partie tjetër, nëse formacioni politik që mbështesin nuk propozon ose nuk mbështet një kandidat për president. Një e katërta e të anketuarve pranojnë se nuk do të votonin në një skenar të tillë, ndërsa 16% deklarojnë se nuk mund të japin një vlerësim. 

Lexoni më shumë në arkivin e Radio Bullgarisë:

• Tre parti bullgare mbështesin kandidaturën e Andrej Gjurov
• Drejtori i BTA-së, kandidati i Ilijana Jotovës për nënpresident
• Pa bashkim të së djathtës, nuk kemi shanse në zgjedhjet presidenciale
• Një parti kryesore opozitare nuk do të paraqesë kandidatë të saj për president

 

Redaktoi: Ivo Ivanov

Përgatiti në shqip: Vesella Mançeva