“I Panjohuri” dhe drama e madhe e dashurisë sipas Papi Hans

Papi Hans vazhdon të zgjerojë universin emocional të albumit të tij të ardhshëm “Dielli” me këngën e katërt prej tij, “I Panjohuri”. Sipas ekipit të artistit, kënga i kushtohet lidhjeve të gjata dhe atij momenti kur i njeh tashmë të gjitha – zakonet, fjalët, heshtjet – dhe pikërisht për këtë arsye ndalon të shohësh. Në tekst, Papi Hans rrëfen në vetën e parë dramën e madhe të dashurisë: ndonjëherë bukuria mbetet për të panjohurit, e jo për njeriun që zgjohet çdo mëngjes pranë teje.

“Mos është kjo kthesa e kthesave, që bukuria është për të panjohurit?”, këndon artisti – një varg që do t’i bëjë disa të dashurohen sërish me partnerin e tyre, ndërsa të tjerë të trishtohen nga një e vërtetë që e kanë ndier prej kohësh, por nuk ia kanë lejuar vetes ta thonë me zë.

Ndërkohë, Papi Hans po përgatitet aktivisht për koncertin në sallën më të madhe të Sofjes më 30maj, për të cilin biletat janë tashmë të shitura. Ndërkohë, biletat për turneun e ri, ku artisti do të interpretojë këngë nga albumi “Dielli” në një ambient pa telefona, u shitën plotësisht brenda dy ditësh.

Shijoni disa interpretime të tjera të Papi Hans nga arkivi i Radio Bullgarisë:

• “Vdes për të jetuar” – kënga me të cilën Papi Hans feston jetën
• Papi Hans me një këngë të re të nxehtë latine – "Е pafajshme"
• "Punëtori i zellshëm" – kënga më e re e Papi Hans
• Papi Hans me një projekt të ri emocional – “Parkingu”
• Papi Hans me një këngë të re për albumin e ardhshëm "Ngjyrat e pikëllimit"

Redaktoi: Diljana Traçeva

Përgatiti në shqip: Vesella Mançeva