"Pa zemër" nga Papi Hans - një këngë e re nga albumi i tij "Dielli"

Papi Hans mirëpret pranverën me premierën e një kënge të re - "Pa zemër". Pas dy baladave, ajo hap një faqe të re, më të ndritshme dhe më ritmike nga albumi i tij i ri "Dielli", por mbart edhe temën e hijes së ndarjes. Sepse, siç pohon ekipi i artistit: "Pa zemër" është një këngë për atë moment paradoksal pas fundit - kur është me diell jashtë, njerëzit qeshin, gjithçka fillon nga e para, dhe ti ndihesh sikur diçka mungon prej teje. Jo dramatike. Jo teatrale. Por e qetë dhe e pakthyeshme. "Është sikur ke humbur pjesë të vetes." 

Kjo metaforë merr jetë në një nga videot më të larmishme dhe tërheqëse nga artisti bullgar. Përmes koreografisë së fortë, videoja tregon se si një person shkatërrohet fjalë për fjalë pas një ndarjeje, pa humbur për asnjë moment humorin për të kërcyer. Një imazh vizual i ndjenjës që dashuria largohet, por merr diçka prej teje me vete. Në vend që të zhytet në trishtim, "Pa zemër" zgjedh lëvizjen. Ritmi sjell lehtësi, dhe refreni mbetet si një rrëfim që nuk akuzon, por pranon. Ky pikëllim i pjekur është i dukshëm në çdo varg të këngës - "Zemra e plagosur i plagos të gjitha të tjerët gjatë rrugës".

Shihni më shumë në arkivin e Radio Bullgarisë:

• “Vdes për të jetuar” – kënga me të cilën Papi Hans feston jetën
• Papi Hans me një këngë të re të nxehtë latine – "Е pafajshme"
• "Punëtori i zellshëm" – kënga më e re e Papi Hans
• Papi Hans me një projekt të ri emocional – “Parkingu”
• Papi Hans me një këngë të re për albumin e ardhshëm "Ngjyrat e pikëllimit"

Redaktoi: Diljana Traçeva

Përgatiti në shqip: Vesella Mançeva