Protestues me trëndafila bënë thirrje për fqinjësi të mirë para ambasadës së RMV

Protestuesit ngritën pankarta me mbishkrimin “Jo urrejtjes. Ne nuk jemi armiq” para ambasadës së Maqedonisë së Veriut në Sofje. Shkak për aksionin u bë djegia e automjeteve diplomatike para misionit bullgar në Shkup.

• Në Shkup u dogjën automjete diplomatike para Ambasadës së Bullgarisë

“Duam të tregojmë çfarë është fqinjësia e mirë. Rrahjet e njerëzve, thyerja e klubeve dhe djegia e makinave nuk kanë vend në BE”, thanë protestuesit, duke u bërë thirrje politikanëve në RMV të ndalojnë bllokimin e eurointegrimit të vendit të tyre.

Protesta u zhvillua nën moton “Lule për miqësi”. Demonstruesit mbanin trëndafila, të cilët i vendosën mbi automjetet e ambasadës maqedonase.

“Ky trëndafil simbolizon qëndrimin tonë vëllazëror ndaj popullit të Maqedonisë së Veriut. Gjithashtu synon t’i tregojë qeverisë në Shkup se ne nuk jemi të verbër dhe e dimë mirë qëllimin e politikës së Hristijan Mickoskit”, tha për BGNES Ilija Stojanovski nga Shkupi.

• Protesta dyorëshe do të bllokojnë pikat kufitare me RMV‑në
• MPJ-ja bullgare proteston ndaj Shkupit pas djegies së makinave diplomatike
• Shoqatat bullgare në Maqedoninë e Veriut dënuan sulmin në Shkup
• Ambasada bullgare pyet pse policia e Shkupit mbeti pasive gjatë zjarrvënies

 

Redaktoi: Diana Cankova

Përgatiti në shqip: Vesella Mançeva