Lajm
U fundos një anije transportuese gazi pranë Bjallës, në Detin e Zi
Martë 17 Nëntor 2026 12:04
Martë, 17 Nëntor 2026, 12:04
Anija GAS HUSKY
FOTO: vesselfinder.com
Madhësia e shkronjave
Anija GAS HUSKY u fundos rreth 50 milje detare në lindje të Bjallës. I gjithë ekuipazhi u shpëtua dhe u evakuua me helikopterë në bazën detare “Çajka”, njofton media Maritime.bg.
Çisterna GAS HUSKY, e cila lundronte nën flamurin e Liberisë dhe kishte pronar grek, u godit nga dronë rreth 55 milje detare në juglindje të Varnës, brenda zonës ekskluzive ekonomike të Bullgarisë, sipas informacionit të Administratës Detare Rumune. Anija njoftoi mbërritjen në portin e Midias. Ajo transportonte propan nga Egjipti. Ekuipazhi përbëhej nga 19 shtetas filipinas, të cilët arritën të lëshonin në det një gomone shpëtimi.
Sinjalizuesi radiofonik i emergjencës (EPIRB) i anijes GAS HUSKY u aktivizua këtë mëngjes, njofton media Maritime.bg. Pozicioni i fundit i njohur i anijes ishte pranë vendit ku më 16 nëntor u përmbys anija transportuese e mallrave BETUL 8, e cila gjithashtu ishte sulmuar me dronë detarë.
Kjo është anija e shtatë që goditet gjatë një sulmi ushtarak në ujërat bullgare të Detit të Zi gjatë muajit e gjysmë të fundit.
Lexoni më shumë mbi temën:
- Anije kontejnerësh u sulmua me 3 dronë në juglindje të Shabllës
- U shpëtuan 18 marinarët e anijes së goditur nga dronët në Detin e Zi
- Nuk dihet nga kanë ardhur dronët që goditën dje anijen në Detin e Zi
- Adm.Emill Eftimov: Dronët që goditën anijen kontejnermbajtëse erdhën nga lindja
Redaktoi: Ivo Ivanov
Përgatiti në shqip: Svetllana Dimitrova
Publikoi / Publikuan: Svetllana Dimitrova