Parlamenti lejoi vendosjen e avionëve amerikanë në Bezmer

Kuvendi Popullor i Bullgarisë dha leje që Shtetet e Bashkuara të vendosin avionë cisternë në bazën ajrore “Bezmer”. Leja, e kërkuar nga qeveria pas një note zyrtare nga pala amerikane, u mbështet me votat e “Bullgarisë Progresive” dhe DPS-së. GERB-SDS, “Bullgaria Demokratike” dhe “Po e Vazhdojmë Ndryshimin” nuk morën pjesë në votim, ndërsa “Vëzrazhdane” votuan kundër.

“Nëse duam të jemi një partner korrekt dhe një aleat i besueshëm, ne duhet të respektojmë marrëveshjet. SHBA-të janë aleati ynë kryesor në fushën e sigurisë”, deklaroi kryeministri Rumen Radev para deputetëve përpara votimit, cituar nga BGNES.

Në fillim të mbledhjes së sotme të kabinetit, Radev siguroi se “është kategorikisht e përjashtuar që nga territori bullgar të zhvillohen operacione luftarake në Lindjen e Mesme. Këta avionë cisternë janë vetëm dhe ekskluzivisht për misione logjistike dhe për furnizim me karburant në ajër, dhe kjo jashtë hapësirës ajrore bullgare”.

• SHBA premtojnë mbrojtje për Bullgarinë kundër Iranit
• Kryeministri: Nga Bullgaria nuk mund të zhvillohen veprime ushtarake
• MPJ e Bullgarisë i bëri thirrje Iranit të negociojë me Shtetet e Bashkuara
• Komisioni për Mbrojtjen miratoi dislokimin e avionëve amerikanë në Bezmer
• Aeroplanët amerikanë nuk na bëjnë palë në konfliktin me Iranin, tha Presidentja
• Ministri i Transportit: Vendi nuk bëhet objektiv për shkak të avionëve amerikanë
• SHBA-të kanë kërkuar urgjentisht vendosjen e avionëve cisternë në Bullgari

 

Redaktoi: Miglena Ivanova

Përgatiti në shqip: Vesella Mançeva