55% e bullgarëve mendojnë se shkolla nuk i përgatit për tregun e punës

Më shumë se gjysma e bullgarëve (55%) mendojnë se arsimi shkollor nuk i përgatit mjaftueshëm mirë të rinjtë për tregun e punës. Këtë e tregon një sondazh përfaqësues në nivel kombëtar i agjencisë “Trend”, i prezantuar në një forum të Shoqatës Kombëtare të Komunave në resortin Allbena, njofton BTA. Sipas studimit, 38% e të anketuarve e vlerësojnë cilësinë e arsimit si më tepër të dobët, 35% si më tepër të mirë, ndërsa vetëm 2% e cilësojnë atë si shumë të mirë.

Mbi 50% e të anketuarve e konsiderojnë mungesën e disiplinës si një nga problemet kryesore, e ndjekur nga mungesa e mësuesve të kualifikuar dhe puna e pamjaftueshme individuale me nxënësit. Përmirësimi i disiplinës është prioritet për 47% të të anketuarve, ndërsa 33% kërkojnë më shumë aftësi praktike në procesin arsimor.

Sondazhi është zhvilluar nga 10 deri më 16 shtator mbi 1000 qytetarë të rritur, me porosi të Shoqatës Kombëtare të Komunave.

 

Lexoni më tepër në arkivin e Radio Bullgarisë:

• Edukimi qytetar, një praktikë që ka vend në shkollat bullgare
• Qeveria kërkon një qasje të re ndaj disiplinës në shkolla
• Sindikata kërkon vlerësim për disiplinën e nxënësve dhe sanksione për prindërit
• Dy mundësi për arsimin tonë – evolucion i kontrolluar ose vetëshkatërrim
• Na duhen rregulla në shkolla, IA mund të imitojë shumë mirë shprehjen njerëzore
• Në shkollë duhet të zhvillohen aftësi që inteligjenca artificiale nuk i ka

 

Redaktoi: Miglena Ivanova

Përgatiti në shqip: Vesella Mançeva