Lajm
Ministri i Mbrojtjes:
Nuk ka rëndësi se kujt i përkasin dronët, nëse përbëjnë kërcënim
Mërkurë 18 Nëntor 2026 17:12
Mërkurë, 18 Nëntor 2026, 17:12
FOTO: BTA
Madhësia e shkronjave
Nuk ka absolutisht asnjë rëndësi se kujt i përkasin dronët, nëse përbëjnë kërcënim për sigurinë kombëtare”, deklaroi ministri i mbrojtjes, Dimitër Stojanov, duke iu përgjigjur pyetjeve të gazetarëve lidhur me sulmet ndaj anijeve në Detin e Zi, pranë brigjeve të Bullgarisë. Deklarata u bë para mbledhjes së komisionit parlamentar përkatës. Ministri bëri të ditur se fotografitë e dronëve që kanë goditur anije në zonën pranë Bullgarisë u janë dërguar të gjithë partnerëve dhe aleatëve, por deri më tani nuk ka ende një përgjigje prej tyre se për çfarë lloj dronësh bëhet fjalë, njofton Agjencia Telegrafike Bullgare (BTA). Ai theksoi gjithashtu se është Prokuroria Ushtarake ajo që duhet të përcaktojë se kujt i përkasin dronët, pasi është organi që po heton rastin.
I pyetur nëse është e nevojshme të mblidhet KëshilliKonsultativ për Sigurinë Kombëtare pranë Presidentit, ministri u shpreh se situata nuk ka ndryshuar. “Tensionet në Detin e Zi po rriten vazhdimisht dhe sulmet do të vazhdojnë, kjo është e sigurt”, deklaroi ai. Ministri shtoi se nuk ka mundësi të merren masa të tjera shtesë sigurie, pasi të gjitha kapacitetet që disponon shteti janë dërguar në zonën bregdetare dhe janë në funksion.
Lexoni më shumë mbi temën:
- Anije kontejnerësh u sulmua me 3 dronë në juglindje të Shabllës
- U shpëtuan 18 marinarët e anijes së goditur nga dronët në Detin e Zi
- Nuk dihet nga kanë ardhur dronët që goditën dje anijen në Detin e Zi
- Adm.Emill Eftimov: Dronët që goditën anijen kontejnermbajtëse erdhën nga lindja
- U fundos një anije transportuese gazi pranë Bjallës, në Detin e Zi
Redaktoi: Miglena Ivanova
Përgatiti në shqip: Svetllana Dimitrova
Publikoi / Publikuan: Svetllana Dimitrova