INSAIT me edhe 500 000 dollarë shpërblim nga një gjigant teknologjik

Instituti INSAIT pranë Universitetit të Sofjes “Shën Kliment Ohridski” ka marrë një shpërblim prej gjysmë milioni dollarësh nga “Google”. Çmimi jepet për rezultatet e larta të arritura në zhvillimin e inteligjencës artificiale në nivel kombëtar dhe ndërkombëtar. Nga instituti theksojnë se fondet do të ndihmojnë për zhvillime të reja në drejtime strategjike si vizioni kompjuterik, robotika, mësimi makinerik dhe të tjera.

Në vjeshtën e vitit të kaluar INSAIT mori edhe 1 milion dollarë nga gjiganti teknologjik, duke bërë që shuma totale e ofruar deri në atë moment nga lideri teknologjik për institutin bullgar të tejkalojë 6 milionë dollarë amerikanë.

INSAIT (Instituti për Shkenca Kompjuterike, Inteligjencë Artificiale dhe Teknologji), i vendosur në Sofje, është i pari i këtij lloji në Evropën Lindore që tërheq studiues me reputacion botëror në fushën e AI dhe teknologjive.

Mësoni më shumë për INSAIT nga publikimet e arkivit tonë:

• INSAIT me një përparim në trajnimin e makinave autonome për të reaguar
• INSAIT renditet ndër institutet kryesore shkencore në Evropë
• INSAIT fitoi vendin e dytë në një garë prestigjioze të robotikës në SHBA
• INSAIT njoftoi një program të ri EXPLORER për bursa për talente
• Një model i krijuar nga INSAIT u jep robotëve inteligjencë hapësinore tredimensionale
• Hulumtimi i INSAIT mbi krijimin e sistemeve të IA-së nderohet në një forum global
• INSAIT me një kontribut të ri në zhvillimin e inteligjencës artificiale
• INSAIT dhe Instituti i Teknologjisë në Masaçusets do të punojnë së bashku në fushën e inteligjencës artificiale
• Instituti Bullgar INSAIT ka zhvilluar një model të ri kryesor në gjuhën ukrainase
• Nga mbi 400 aplikantë, 10 praktikantë u përzgjodhën për INSAIT - Radio Bullgaria në gjuhën shqipe
• Prej 3 vitesh INSAIT e pozicionon Bullgarinë në hartën teknologjike të botës
• Bullgaria është e para në BE që realizoi inteligjencën artificiale të nivelit të lartë në gjuhën e saj 

Redaktoi: Miglena Ivanova

Përgatiti në shqip: Vesella Mançeva