Rumen Radev: Nuk kam më çfarë të bisedoj me kryeministrin maqedonas

Udhëheqja politike e Republikës së Maqedonisë së Veriut po bën gjithçka të mundur për ta larguar vendin e saj nga anëtarësimi në Bashkimin Evropian, komentoi para gazetarëve kryeministri Rumen Radev.

Lidhur me djegien e dy automjeteve diplomatike para ambasadës sonë në Shkup, kryeministri deklaroi se nuk mund të ketë takim mes tij dhe kryeministrit maqedonas, sepse problemi nuk është dypalësh: “Mickoski ka problem me BE‑në.”

• Në Shkup u dogjën automjete diplomatike para Ambasadës së Bullgarisë

“Udhëheqja politike jo vetëm që nuk i ndëshkon këto zjarrvënie, por autorët madje stimulohen dhe përdoren në fushata zgjedhore”, shtoi kryeministri. Ai theksoi se derisa të mos ketë parime të qarta të sundimit të ligjit dhe derisa të mos ketë pasoja për autorët e veprimeve të tilla të padenja, nuk ka më çfarë të bisedojë me kryeministrin e RMV‑së.

• Protestues me trëndafila bënë thirrje për fqinjësi të mirë para ambasadës së RMV
• Protesta dyorëshe do të bllokojnë pikat kufitare me RMV‑në
• MPJ-ja bullgare proteston ndaj Shkupit pas djegies së makinave diplomatike
• Shoqatat bullgare në Maqedoninë e Veriut dënuan sulmin në Shkup
• Ambasada bullgare pyet pse policia e Shkupit mbeti pasive gjatë zjarrvënies

Sipas Rumen Radevit, Maqedonia e Veriut duhet ta bindë BE‑në se respekton të drejtat e njeriut dhe se mund të garantojë sigurinë e të gjitha përfaqësive diplomatike në territorin e saj. Kryeministri shprehu shqetësim që raste të tilla mbeten pa pasoja.

• PE nuk lejoi Shkupin të rishikojë marrëveshjen me Bullgarinë
  

Redaktoi: Diana Cankova

Përgatiti në shqip: Vesella Mançeva