Rënie e lehtë e numrit të turistëve gjatë qershorit dhe korrikut

Numri i turistëve gjatë muajve qershor dhe korrik ka rënë me rreth 1,5% krahasuar me të njëjtën periudhë të vitit të kaluar, njoftoi Ministri i Turizmit, Ilin Dimitrov, në mbledhjen e komisionit parlamentar përkatës. “Kjo është brenda një kufiri që nuk do ta quaja gabim statistikor, por nuk është diçka fatale”, komentoi ai.

Për sa i përket sezonit të ardhshëm veror turistik, synimi është që ai të fillojë rreth Pashkëve, të mbështetet nga organizimi i konkursit “Eurovision” në maj në Burgas dhe të zgjasë dukshëm më gjatë gjatë vjeshtës. Objektivi është që rezultatet të afrohen me ato të regjistruara në vitin 2019, para pandemisë.

Lidhur me zhvillimin e konkursit evropian të këngës në vend, Ilin Dimitrov shprehu bindjen se kapacitetet akomoduese në rajon mund të përballojnë fluksin e vizitorëve. Ai shtoi se janë në dispozicion nga 300 mijë deri në 400 mijë shtretër, ndërsa numri i pritur i vizitorëve është rreth 90 mijë. “Problem mund të jetë lidhja e transportit, pasi një pjesë e turistëve do të zbresin në Sofje, ndërsa të tjerë në Burgas dhe Varna”, deklaroi ministri.

• Koncert testues dhe fluturime shtesë për „Eurovizionin“ në Burgas
• 20 milionë euro nga buxheti për përgatitjet e „Evrovizionit 2027“
• Aeroporti i Burgasit disponon infrastrukturën e nevojshme për “Eurovision” 2027

Detyra kryesore e Ministrisë së Turizmit është promovimi i destinacionit përmes udhëtimeve për gazetarë. Për “Eurovision”-in pritet të mbërrijnë rreth një mijë reporterë, të cilët mund të krijojnë rreth 400 mijë publikime dhe mesazhe të tjera në internet, gjë që do të përbëjë një reklamë jashtëzakonisht të fuqishme për Bullgarinë, tha Ilin Dimitrov para deputetëve.

Lexoni më tepër në arkivin tonë:

• Bullgaria planifikon ndryshime në financimin dhe promovimin e turizmit
• Stilijana Nikollova bëhet ambasadore e turizmit bullgar
• Konkursi fotografik “Momente nga Bullgaria” do të mbledhë bukuritë e vendit

Redaktoi: Diana Cankova

Përgatiti në shqip: Vesella Mançeva