Parlamenti Evropian nderoi viktimat e aksidentit në autostradën "Trakia"

Mërkurë, 11 Nëntor 2026, 18:12

Parlamenti Evropian nderoi viktimat e aksidentit në autostradën "Trakia"

FOTO: EP/BTA

Madhësia e shkronjave

Presidentja e Parlamentit Evropian, Roberta Metsola, shpalli një minutë heshtje në kujtim të viktimave të disa incidenteve në Evropë, mes të cilëve edhe viktimat e aksidentit të djeshëm në autostradën "Trakia", në fillim të seancës plenare dyditore në Bruksel.

Roberta Metsola

Roberta Metsola

FOTO: EP/BTA

"Dje, në kushte të vështira atmosferike, në një autostradë në Bullgari ndodhi një aksident shumë i rëndë automobilistik. Të paktën 11 persona humbën jetën dhe shumë të tjerë u plagosën. Në emër të Parlamentit Evropian shprehim ngushëllimet tona më të sinqerta për familjet dhe të afërmit e viktimave. Shprehim mirënjohjen tonë për ekipet mjekësore, për të gjithë ata që punuan pa u lodhur dhe për secilin që dhuroi gjak", tha Metsola.

Një video me deklaratën e saj iu shpërnda mediave nga zyra e shtypit e Parlamentit Evropian.

U nderuan gjithashtu viktimat e të shtënave në Krakov dhe të aksidentit hekurudhor në Spanjë.

Sot, flamujt e Bashkimit Evropian dhe të Bullgarisë para institucioneve evropiane në Bruksel dhe Strasburg janë ulur në gjysmështizë në shenjë solidariteti me ditën e zisë kombëtare të shpallur në vend.


 Lexoni më shumë:

 

Redaktoi: Miglena Ivanova

Përgatiti në shqip: Vesella Mançeva