Avionët amerikanë në Bezmer nuk e ndryshojnë qasjen tonë ndaj Iranit

Ministrja e Punëve të Jashtme Velisllava Petrova zhvilloi sot një bisedë telefonike me homologun e saj iranian, Abbas Araghçi, njoftoi Ministria e Punëve të Jashtme e Bullgarisë. Petrova theksoi rëndësinë që Bullgaria i kushton marrëdhënieve të mira me Iranin, të bazuara në besimin e ndërsjellë dhe bashkëpunimin afatgjatë. Të dy ministrat shprehën gatishmërinë për të vazhduar dialogun aktiv dypalësh.

Lidhur me vendosjen e avionëve cisternë amerikanë në bazën ajrore Bezmer, Petrova theksoi se është e përjashtuar mundësia që nga territori i Bullgarisë të kryhen çfarëdo veprimesh të drejtpërdrejta ushtarake të lidhura me konfliktin në Lindjen e Mesme. Ajo nënvizoi se vendimi i Kuvendit Popullor është marrë pas një kërkese zyrtare nga pala amerikane, në përputhje me angazhimet e Bullgarisë ndaj Shteteve të Bashkuara, Kushtetutën dhe legjislacionin bullgar, dhe nuk përbën ndryshim në qasjen e vendit tonë ndaj Iranit.

Lexoni më shumë në arkivin e Raidio Bullgarisë:

• Irani: Vendosja e avionëve amerikanë në Bullgari është një vendim i rrezikshëm
• Sipas shërbimeve, nuk ka kërcënim të drejtpërdrejtë për sigurinë e Bullgarisë
• Ministri i Mbrojtjes mbështetet te mbrojtja raketore e NATO-s

 

Redaktoi: Miglena Ivanova

Përgatiti në shqip: Vesella Mançeva